লংকাত এম জি এনৰেগা আঁচনিত দুৰ্নীতিৰ অভিযোগ

ডিজিটেল ডেস্কঃ হোজাইৰ লংকাত এম জি এনৰেগা আঁচনিত দুৰ্নীতিৰ অভিযোগ৷ এই আঁচনিৰ অধীনত খাগৰিজান পঞ্চায়তত পথ নিৰ্মাণত ব্যাপক অনিয়ম হোৱাৰ অভিযোগ কৰিছে ৰাইজে৷ পঞ্চায়ত সভানেত্ৰীগৰাকীয়ে দালাল প্ৰকৃতিৰ লোকৰ সৈতে মিলি এক লাখ টকাৰ কাম সম্পন্ন কৰি বাকী টকা আত্মসাৎ কৰাৰ অভিযোগ উঠিছে৷

ৰাইজৰ হৈ লিখিত অভিযোগ দাখিল কৰা খাইৰুল ইছলাম নামৰ স্থানীয় এগৰাকী যুৱকক পঞ্চায়ত সভানেত্ৰী মাহমুদা খাতুনৰ দালালৰূপী এজন লোকে প্ৰহাৰ কৰাৰো অভিযোগ উত্থাপন কৰিছে স্থানীয় ৰাইজে।