ৰাজ্যত ক’ভিডৰ নতুন SOP প্ৰকাশ,এই সন্দৰ্ভত কি কি ঘোষণা কৰিলে স্বাস্থ্যমন্ত্ৰীগৰাকীয়ে ? জানক সবিশেষ…

ৰাজ্যত ক’ভিডৰ নতুন বিধি প্ৰকাশ। স্বাস্থ্যমন্ত্ৰীয়ে প্ৰকাশ কৰিলে ক’ভিডৰ নতুন SOP। ৰাজ্যৰ ৭ খন জিলাত কাইলৈৰ পৰা ৭ দিনলৈ টোটেল কণ্টেইনমেণ্ট। গোৱালপাৰা, গোলাঘাট, যোৰহাট টোটেল কণ্টেইনমেণ্ট। শোণিতপুৰ, বিশ্বনাথ জিলাও ৭ দিনলৈ কণ্টেইনমেণ্ট জ’ন।মৰিগাঁও, লখিমপুৰ জিলাও টোটেল কণ্টেইনমেণ্ট। জিলাকেইখনত অত্যাৱশ্যকীয় সেৱাৰ ক্ষেত্ৰত শিথিলতা। জিলাকেইখনত বিয়লি ৫ বজালৈ থাকিব গেলামালৰ দোকান। এই ৭ জিলাত বন্ধ থাকিব অন্যান্য সকলো হাট-বজাৰ।

১৬খন জিলাত ১ বজালৈ খোলা থাকিব দোকান-পোহাৰ। বিয়লি ২ বজাৰ পৰা ৫ বজালৈ বাহাল থাকিব কাৰ্ফিউ। জিলাকেইখন শিৱসাগৰ, ডিব্ৰুগড়, কোকৰাঝাৰ, বৰপেটা, নলবাৰী। বাক্সা, বজালী, কামৰূপ, দৰং, নগাঁও, হোজাই, তিনিচুকীয়া, ধেমাজি। কাছাৰ, কৰিমগঞ্জ, কাৰ্বি আংলঙত ২ বজাৰ পৰা সান্ধ্য আইন। শিৱসাগৰ আৰু ডিব্ৰুগড়ত চোকা নজৰ ৰাখিব প্ৰশাসন। ১১খন জিলাত ৪ বজালৈ খোলা থাকিব দোকান-পোহাৰ।

এই জিলাকেইখনত বিয়লি ৫ বজাৰ পৰা পুৱা ৫ বজালৈ কাৰ্ফিউ। জিলাকেইখন ধুবুৰী, কামৰূপ মেট্ৰ’, দক্ষিণ শালমাৰা, মাজুলী।বঙাইগাঁও, চিৰাং, ওদালগুৰি, পশ্চিম কাৰ্বি আংলং, ডিমা হাছাও। চৰাইদেউ আৰু হাইলাকান্দি জিলাত বিয়লি ৫ বজাৰ পৰা কাৰ্ফিউ। কামৰূপ মহানগৰ জিলাত বৃদ্ধি পাইছে ক’ভিড সংক্ৰমণ। মহানগৰবাসীক ক’ভিড নীতি মানি চলাৰ আহ্বান স্বাস্থ্যমন্ত্ৰীৰ।আন্তঃজিলাৰ যাতায়াত পূৰ্বৰ দৰেই বন্ধ থাকিব। বন্ধ থাকিব বিদ্যালয় আৰু মহাবিদ্যালয়।