প্ৰাকৃতিক সৌন্দৰ্য্যৰে ভৰপুৰ তেজপুৰৰ পৰ্য্যটন ক্ষেত্ৰত নতুন সংযোজন

ডিজিটেল ডেস্কঃ প্ৰাকৃতিক সৌন্দৰ্য্যৰে ভৰপুৰ তেজপুৰৰ পৰ্য্যটন ক্ষেত্ৰখনত নতুন সংযোজন ৷ কাজিৰঙা ব্যঘ্ৰ প্ৰকল্পৰ অন্তৰ্গত ব্ৰহ্মপুত্ৰৰ পাৰৰ ভোমোৰাগুৰি পৰ্য্যটন ক্ষেত্ৰ মঙলবাৰে আনুষ্ঠানিক ভাবে উদ্বোধন কৰে তেজপুৰৰ বিধায়ক পৃথ্বীৰাজ ৰাভাই ৷ শিহুৰ বিচৰণস্থল পৰিদৰ্শনৰ বাবে নৌকাবিহাৰৰ বিশেষ ব্যৱস্থা থকা এই স্থানত বনভোজৰ আনন্দ লোৱাৰ লগতে নৈসৰ্গিক শোভা উপভোগ কৰিব পাৰিব ৷

এই অনুষ্ঠানত অংশগ্ৰহণ কৰি মুখ্য বন সংৰক্ষক ড° অমৃত সহায়, কাজিৰঙাৰ সঞ্চালক পি চিবকুমাৰ আৰু শোণিতপুৰৰ উপায়ুক্ত ভুপেশ কুমাৰ দাসে তেজপুৰৰ পৰ্যটনৰ প্ৰচুৰ সম্ভৱনাৰ কথা দোহাৰে ৷ দেশৰ সুৰক্ষাৰ বাবে অতি গুৰুত্বপূৰ্ণ পানীৰ তলৰ সুৰংগ নিৰ্মাণৰ কথা আনুষ্ঠানিকভাৱে ঘোষণা কৰে শোণিতপুৰ জিলাৰ আৰক্ষী অধীক্ষক ডাঃ ধনঞ্জয় ঘনাৱটে। পৰ্য্যটকৰ আকৰ্ষণৰ কেন্দ্ৰ বিন্দু হ’ব এই Under Water Tunnel