তৃণমূলত যোগদানৰ পিছত প্ৰথমবাৰলৈ শিলচৰত উপস্থিত হৈয়ে সুস্মিতাৰ মুখত শুনা গ’ল ‘খেলা হবে’

ডিজিটেল ডেস্ক: তৃণমূলত যোগদানৰ পিছতে প্ৰথমবাৰলৈ শিলচৰত সুস্মিতা দেৱ ৷ শিলচৰত উপস্থিত হৈয়ে সুস্মিতাৰ মুখত শুনা গ’ল ‘খেলা হবে’। বৃহস্পতিবাৰে পুৱা ১১.৪০ মিনিটত শিলচৰ কুম্ভিৰগ্ৰাম বিমান বন্দৰত আহি উপস্থিত হয় সুস্মিতা দেৱ ৷ বিমানবন্দৰত তেওঁক উস্ম আদৰণি জনাই তেওঁৰ অসংখ্য সমৰ্থক সকলে ৷

বিমানবন্দৰৰ পৰা এক বিশাল ৰেলী কৰি সুস্মিতাক শিলচৰ কাছাৰ ক্লাবত লৈ যোৱা হয় ৷ কাছাৰ ক্লাবত উপস্থিত হৈ সমৰ্থকৰ উদ্দেশ্য বক্তব্য আগবঢ়ায় সুস্মিতা দেৱে । ইপিনে, তেওঁ নিস্বাৰ্থ ভাৱে মমতা বানাৰ্জীৰ দলত যোগদান কৰিছে বুলি সংবাদ মাধ্যমক জানিবলৈ দিয়ে। মমতা বানাৰ্জীয়ে তেওঁক যি দায়িত্ব প্ৰদান কৰিব তাকেই ভালদৰে পালন কৰিব যাব বুলিও মত প্ৰকাশ সুস্মিতা দেৱৰ।