ডিজিটেল ডেস্ক: বলিউডৰ জনপ্ৰিয় অভিনেতা বৰুণ ধাৱানে বৃহস্পতিবাৰে তেওঁৰ আহিবলগীয়া ছবি “Bhediya”ৰ এখন পোষ্টাৰ ইনষ্টাগ্ৰামত শ্বেয়াৰ কৰে।পোষ্টাৰখন শ্বেয়াৰ কৰি বৰুণে লিখিছিল: “#BHEDIYA, A piece of me #Bhediyafirstlook. In cinemas 25th November 2022.”
পোষ্টাৰত, বৰুণক ৰহস্যময় ৰঙা ৰঙত আৱৰি ৰখা দেখা গৈছে আৰু তেওঁৰ চকু হালধীয়া হৈ আছে। ছবিখনত মুখ্য চৰিত্ৰত কৃতি চাননেও অভিনয় কৰিছে। ছবিখনৰ মুক্তিৰ তাৰিখ ২৫নৱেম্বৰ ২০২২ বুলিও প্ৰকাশ কৰিছে পোষ্টাৰখনত। পোষ্টাৰ ৰিলিজ হোৱাৰ পিছতে আলিয়া ভাট আৰু অভিষেক বচ্চনে শুভেচ্ছা জ্ঞাপন কৰাও দেখা যায় বৰুণ ধাৱানক।
“Bhediya” ত, নিৰ্মাতাসকলে ভিছুৱেল ইফেক্টৰ যাদুৰ জৰিয়তে এক শ্বাসৰুদ্ধকাৰী পৰিৱেশৰ সৃষ্টি কৰিছে। চলচ্চিত্ৰখনৰ ভিছুৱেলৰ সৈতে হলিউডৰ প্ৰিমিয়াৰ ইফেক্ট ষ্টুডিঅ মিষ্টাৰ এক্স-ৰ ভিছুৱেল ইফেক্টৰ সুন্দৰ সংযোজন ঘটিছে। চলচ্চিত্ৰখনৰ প্ৰযোজনা দিনেশ বিজনৰ আৰু পৰিচালনা কৰিছে অমৰ কৌশিকে।
চলচ্চিত্ৰখনত, বৰুণক অৰ্ধ-পুৰুষ আৰু অৰ্ধ-বাঘৰ চৰিত্ৰত অভিনয় কৰা দেখা যাব। বৰুণৰ উপৰিও অভিষেক বেনাৰ্জী আৰু দীপক ডব্ৰিয়ালে অভিনয় কৰা ছবিখনৰ কাহিনী লিখিছে নীৰেন ভট্টে।