ডিজিটেল ডেস্ক: আন্তঃৰাষ্ট্ৰীয় সাঁতোৰবিদ এলভিছ আলী হাজৰিকাই মঙলবাৰে পুনৰ এক নতুন অভিলেখ সৃষ্টি কৰে।ধৰ্মতাৰ জেটিৰ পৰা গেটৱে অৱ ইণ্ডিয়া ক’ৰ্ছলৈ সফলতাৰে পাৰ হোৱা ৰাজ্যখনৰ প্ৰথমগৰাকী অসম সাঁতোৰবিদ হিচাপে পৰিগণিত হয়।সঙ্গী ৰিমো সাহাৰ সৈতে সাঁতোৰবিদজনে ২৩ নৱেম্বৰৰ পুৱা ১ বজাত সাঁতোৰ আৰম্ভ কৰিছিল আৰু যাত্ৰাটো সম্পূৰ্ণ কৰিবলৈ 10 ঘণ্টা সময় লয়।
এই কৃতিত্ব অৰ্জন কৰাৰ পিছত, হাজৰিকাই কয়, “এইটো এটা অতি কঠিন কাম আছিল কিয়নো আমি যথেষ্ট ডাঙৰ ডাঙৰ মাছৰ সৈতে সাঁতুৰিছিলোঁ, আৰু কম পোহৰৰ বাবে আমি ৰাতি ভালদৰে দেখা পোৱা নাছিলো”।
৩৪ বছৰীয়া সাঁতোৰবিদজনে ২০২২ চনত নৰ্থ আইৰিছ চেনেল আৰু ২০২৩ চনত ইংলিছ চেনেল পাৰ হ’বলৈ তেওঁৰ সংগী ৰিমো সাহাৰ সৈতে প্ৰয়াস কৰাৰ কথাও ঘোষণা কৰে।ইয়াৰ পূৰ্বে ২০১৯ চনত, হাজাৰিকাই আমেৰিকা যুক্তৰাষ্ট্ৰৰ কেটালিনা চেনেলসফলতাৰে সাঁতুৰি যোৱা অসম আৰু উত্তৰ-পূব ভাৰতৰ প্ৰথম ব্যক্তি হিচাপে পৰিগণিত হৈছিল। অভি-নীলৰ স্মৃতিত তেওঁৰ এই উল্লেখযোগ্য কৃতিত্ব উৎসৰ্গা কৰিছিল।