ডিজিটেল ডেস্ক : বন্ধন বেংকে ঘোষণা কৰে যে, প্ৰতিৰক্ষা পেঞ্চনাৰ আৰু তেওঁলোকৰ পৰিয়াললৈ বেংকিং সেৱা সম্প্ৰসাৰিত কৰাৰ বাবে ভাৰত চৰকাৰৰ প্ৰতিৰক্ষা একাউণ্ট নিয়ন্ত্ৰক প্ৰধান, প্ৰতিৰক্ষা মন্ত্ৰালয়ৰ সৈতে বুজাবুজিৰ চুক্তি স্বাক্ষৰ কৰিছে।
‘স্পৰ্শ পৰিসেৱা কেন্দ্ৰ’ৰ সহায়ত বেংকে ৫৫৭ টা শাখাৰ জৰিয়তে প্ৰতিৰক্ষা পেঞ্চনাৰ আৰু তেওঁলোকৰ পৰিয়ালক সেৱা প্ৰদান কৰিব। পেঞ্চন প্ৰশাসন ৰক্ষা প্ৰণালীৰ ওপৰত প্ৰতিৰক্ষা পেঞ্চনাৰসকলৰ বাবে প্ৰচাৰ কাৰ্যসূচীৰ অধীনত সকলো পেঞ্চন সম্পৰ্কীয় কাৰ্যকলাপৰ ৱান ষ্টপ সমাধান হিচাপে চৰকাৰৰ দৃষ্টিভংগীৰ সৈতে বেংক একত্ৰিত হৈছে। শ্ৰী শ্যাম দেব ,আ ডি এ এচ (কন্ট্ৰোলাৰ) , প্ৰয়াগৰাজ, ভাৰত চৰকাৰৰ প্ৰতিৰক্ষা মন্ত্ৰালয়, ভাৰত চৰকাৰৰ প্ৰতিৰক্ষা সচিব শ্ৰী গিৰিধৰ আৰামানে, বিত্তীয় উপদেষ্টা (প্ৰতিৰক্ষা সেৱা) শ্ৰীমতী ৰসিকা চৌবে আৰু বন্ধন বেংকৰ চৰকাৰী ব্যৱসায় হেড শ্ৰী দেবৰাজ সাহাৰ উপস্থিতিত নতুন দিল্লীত এই বুজাবুজি চুক্তি স্বাক্ষৰিত হয়।
প্ৰতিৰক্ষা সচিবে দিল্লী কেণ্টনমেণ্টত এই ‘স্পৰ্শ সেৱা কেন্দ্ৰ’ উদ্বোধন কৰে। এই কেন্দ্ৰত সেৱা অনুৰোধ আৰু অভিযোগ নিষ্পত্তি, বাৰ্ষিক জীৱন প্ৰমাণপত্ৰ, পেঞ্চনাৰ তথ্য প্ৰমাণীকৰণ (পিডিভি) আধাৰ নম্বৰ, পেন নম্বৰ, ডাক ঠিকনা ও বেংকৰ বিৱৰণসহ প্ৰ’ফাইল পৰিৱৰ্তনৰ দৰে বিভিন্ন ধৰণৰ পৰিসেৱা পোৱা যাব৷