ডিজিটেল ডেস্কঃ নতুন বছৰটোৰ বৰ্ষফল ঘোষণা কৰিলে বৰপেটা সত্ৰই , দৈৱজ্ঞ ত্ৰিদীপ শৰ্মা দলৈয়ে কৰা গণনা অনুসৰি অসমৰ বাবে বছৰটো হ’ব অশুভ।
অসম দেশৰ ৰাশি হ’ল কর্কট ৷ ৰাশিফল মতে, তৃতীয় স্থানত চন্দ্ৰ পঞ্চমত কেতু, সপ্তমস্থানত শনি, অষ্টমত শুক্ৰ-মংগল, নৱমত বৃহস্পতি, দশমত ৰবি- বুধ, একাদশত ৰাহু অবস্থান কৰাত বছৰতো ৰাজ্যখনৰ কাৰণে অনুকুল নহয় ৷ কাৰণ শনিৰ পূৰ্ণদৃষ্টি আৰু ৮ জেঠৰ পৰা ৰাহু কৰ্মস্থানত আৰু কেতু বন্ধুস্থানত অৱস্থান কৰিব ৷
এই বছৰটোত ৰাহু, কেতু আৰু শনিৰ দৃষ্টিৰ ফলত ৰাজ্যত যুদ্ধৰ পৰিবেশ দেখা যাব ৷ ৰাজ্যৰ প্ৰতিটো দলৰ মাজত বিবাদ সৃষ্টি হ’ব । ৰাহু শনিৰ দৃষ্টিৰ ফলত যানবাহন, ৰেল, বিমান দূৰ্ঘটনা, ৰক্তপাত, অগ্নিদাহ বিস্ফোৰণ, হত্যা লুন্ঠন অপহৰন, দূৰ্ঘটনা, হিংসাত্মক কার্য্য-চোৰাং বেহা, গুপ্তঘাট আৰু সন্ত্রাসবাদী মুলক কার্য্য বৃদ্ধি পাব ।
এই বছৰটো মঙ্গলে ৰাজত্বভাৰ লোৱাত বানপানী, শিলা বৃষ্টি, বজ্ৰপাত, ঘূৰ্ণীবতাহে দেশত অশান্তিত পৰিবেশ বিৰাজ কৰিব আৰু প্ৰাকৃতিক দূৰ্যোগ আৰু ভূমিকম্পত ক্ষতিৰ যোগ ৷
ইয়াৰোপৰি মুখ্যমন্ত্ৰীৰ বাবেও শুভ নহয় নতুন বছৰটো। ৰাজনৈতিক ক্ষেত্ৰত তেওঁৰ বাবে আছে বহু বাধা-বিঘিনি।
মুখ্যমন্ত্ৰীৰ চলিব শনি-মংগলৰ দশা। ৰাজ্যতো বিভিন্ন অশান্তি, অপায়-অমংগল যুগ। বৰ্ষফল ঘোষণা কৰি এই আশংকা প্ৰকাশ বৰপেটা সত্ৰৰ।
ইপিনে ভাৰতৰ ৰাশি হ’ল মকৰ ৷
জন্মৰাশিত শনি অৱস্থান কৰাত দেশত মৌলবাদী শক্তি, জেহাদী শক্তি বৃদ্ধি পাব ।
চীন আৰু পাকিস্থানৰ পৰা আক্ৰমণৰো সম্ভাৱনা দৈৱজ্ঞৰ ৷
ইপিনে ৰাহু কেতুৰ পৰা ৰাজধানী দিল্লীকে ধৰি বিভিন্ন স্থানত আন্দোলন, প্ৰতিবাদ, কুটাঘাটমূলক কার্য বৃদ্ধি, হত্যা, অপহৰন, বিস্ফোৰণ সাম্প্রদায়িক সংঘর্ষ, অগ্নিদাহ, বিমান, পথ, ৰেল দুর্ঘটনা বৃদ্ধি পাব ।
ইপিনে ভাৰত আৰু অসমৰ অভাবনীয়ভাবে জলবায়ু পৰিবর্তন, তাপমাত্ৰা বৃদ্ধি আৰু বানপানীৰ প্ৰভাৱত কৃষিভূমিৰ বিস্তৃত ক্ষতিৰ লগতে কীট-পতংগাদিৰ আক্রমনত উৎপাদিত শস্য নাশৰ যোগ ।
ভাৰত সন্মুখীন হ’ব পাৰে চীন-পাকিস্তানৰ আক্ৰমণৰ। ৰাজ্যত বৃদ্ধি পাব প্ৰাকৃতিক দুৰ্যোগ, অৰ্থনৈতিক সংকট
ৰাজনৈতিক নেতা, বিশিষ্ট লোকৰ হ’ব বুদ্ধি নাশ! দেশত মৌলবাদী শক্তি, জেহাদী শক্তি বৃদ্ধিৰ আশংকা!