ডিজিটেল ডেস্কঃ দুধনৈস্থিত গোৱালপাৰা কৃষি বিজ্ঞান কেন্দ্ৰৰ কাৰ্যালয়ত কৃষি বিজ্ঞান কেন্দ্ৰই পৰিপুষ্টি সম্পৰ্কত মহিলা সকলৰ মাজত এক সজাগতা সভা অনুষ্ঠিত কৰে ৷ প্ৰধানমন্ত্ৰী নৰেন্দ্ৰ মোডীৰ ২০২২ চনৰ ভিতৰত দেশক পুষ্টিহীনতাৰ পৰা মুক্ত কৰাৰ লক্ষ্যক আগবঢ়াই নিয়াৰ উদ্দেশ্যে আয়োজন এই কাৰ্যসূচীৰ ৷
এই সজাগতা সভাত কেনেদৰে পুষ্টিহীনতাৰ পৰা মুক্ত হৈ নিৰোগী হৈ থাকিব পাৰি তাৰ বাবে মহিলা সকলৰ মাজত বিশেষ সজাগতা সৃষ্টি কৰাৰ প্ৰয়াস কৰা হয় ৷ এই অনুষ্ঠানৰ জৰিয়তে বৃক্ষৰোপণ কাৰ্যসূচীৰো আয়োজন কৰা হয় ৷ লগতে ১০০ গৰাকী কৃষকৰ মাজত শীতকালত হ’ব পৰা বিভিন্ন সুষম খাদ্যৰ বীজ যোগান ধৰাৰ লগতে পৰুষ-মহিলা সকলৰ মাজত ফল-মূলৰ গছ পুলি বিতৰণ কৰা হয় ৷ আনহাতে অনুষ্ঠানত কেইবাগৰাকীও কন্যাকাল লাভ কৰা যুৱতীৰ লগতে পুষ্টিহীনতাত ভোগা শিশু সকলক সুষম আহাৰ যোগান ধৰা হয় ৷
উল্লেখ্য যে , সমগ্ৰ অসমৰ লগতে গোৱালপাৰা জিলাখনতো প্ৰতিবছৰে বহু শিশুৰ লগতে মহিলা সকলো পুষ্টিহীনতাত ভোগী আহিছে ৷ সেয়ে কেনেকৈ মহিলা, শিশু আৰু যুৱতী সকলক পুষ্টিহীনতাৰ পৰা মুক্ত কৰি নিৰোগী কৰি তুলিব পাৰি তাৰ বাবে এই বিশেষ সজাগতা সভাৰ আয়োজন কৰা হৈছে ৷
এই অনুষ্ঠানত উপস্থিত থাকে ৰাভা হাছং স্বায়ত্ত্বশাসিত পৰিষদৰ মুখ্য কাৰ্যবাহী সদস্য টংকেশ্বৰ ৰাভাৰ লগতে কৃষি বিজ্ঞান কেন্দ্ৰৰ বিষয়া সকল ৷