ডিজিটেল ডেক্সঃ পেঞ্চন সঞ্চালকালয়ত উপস্থিত হৈ মুখ্যমন্ত্ৰীৰ ঘোষণা ৷ প্ৰত্যেক মাহতে সম্পন্ন কৰা হ’ব ১ হাজাৰ পেঞ্চনৰ কাম ৷ ছমাহৰ পূৰ্বে পৰ্টেলত চাকৰিৰ তথ্য আপলোড কৰি থোৱা সকলে পাব বিশেষ সুবিধা। ২০২২ চনৰ ১ জানুৱাৰীৰ পৰা অৱসৰপ্ৰাপ্ত লোকসকলে পৰ্টেলত আপলোড কৰিলে অৱসৰৰ দিনাই লাভ কৰিব পেঞ্চনৰ কাগজ ৷
ইপিনে, অবিবাহিত ছোৱালী থাকিলেও পিতৃ-মাতৃৰ পেঞ্চনৰ সুবিধা লাভ কৰিব পাৰিব। মুখ্যমন্ত্ৰীয়ে জনোৱা অনুসৰি বৰ্তমানেও ৩ হাজাৰ পেঞ্চনৰ কেছ নিষ্পত্তি কৰিবলৈ বাকী আছে ৷ ৩ হাজাৰ কেছ সম্পূৰ্ণ নোহোৱা পৰ্য্যন্ত পিছৰ মাহৰ পৰা ১৫০০ টা কেছ কৈ প্ৰতিমাহত কৰা হ’ব।
ক’ৰোনা সম্পৰ্কত মুখ্যমন্ত্ৰীৰ মন্তব্য- ক’ভিড ভেকচিন লৈ মানুহ মৰা নাই, ক’ভিডৰ ভেকচিন নল’লেহে মানুহ মৰিব। মুখ্যমন্ত্ৰীৰ চহী জালিয়াতিৰ সন্দৰ্ভতো মুখ্যমন্ত্ৰীৰ মন্তব্য- অপৰাধীক দিয়া হ’ব ডবল ড’জ ৷ মুখ্যমন্ত্ৰীয়ে লগতে কয় যে উচ্চতম ন্যায়ালয়ৰ মতে, বন্ধ হৈ থকা ৪০ লাখ লোকৰ আধাৰ কাৰ্ডৰ কাম শীঘ্ৰেই সম্পূৰ্ণ হ’ব। ৩১ মাৰ্চৰ পাছত সকলোৱে পাব আধাৰ কাৰ্ড।