পুনৰ টোলগেটত অঘটন। মদনপুৰৰ ৩১নং ৰাষ্ট্ৰীয় ঘাইপথৰ টোলগেটত ঘটিছে এই অঘটন ৷ চিনেমাৰ দৰে এগৰাকী টোল কৰ্মচাৰীক চোঁচৰাই নিলে এখন বিলাসী বাহনে। টোল সংগ্ৰহৰ উদ্দেশ্য হাত আগবঢ়ায় দিছিল বাহনখনৰ ভিতৰলৈ ৷ সেই মূহুৰ্ততে চালকজনে খিৰিকীৰ গ্লাচ বন্ধ কৰি দিয়াত আবদ্ধ হৈ পৰে কৰ্মচাৰীজন হাতখন।
আৰু তীব্ৰ বেগেৰে বিলাসী গাড়ীখন চলাই নিয়াত কৰ্মচাৰীজনো চুচৰি যায় প্ৰায় ২০০ মিটাৰপৰ্যন্ত ৷ পিছত স্থানীয় ৰাইজৰ সহযোগত বিলাসী গাড়ীখন আবদ্ধ কৰাৰ লগতে কৰ্মচাৰীজনক উদ্ধাৰ কৰে। পিছত চাংসাৰী আৰক্ষী থানাত টোলগেট কৰ্তৃপক্ষই ঘটনা সন্দৰ্ভত ৰজু কৰে এক গোচৰ।